Sumarfrí.

Jæja þá verður nokkur bið á næstu skrifum, ritstjórinn hefur ákveðið að taka sér frí frá ritstörfum um stundarsakir. Já sumarfrí með fjölskyldunni er hafið. Og í sumarfríi á maður að tala saman, já vera saman, og sinna blessuðu litlu börnunum saman. En yndislegt. Og láta ekkert raska ró sinni nema að setja aðeins meiri sólarvörn á bakið og rassinn. Já það er mikið framundan.

Við vorum akkurat í Sankti Hanz varðeldabáli með nágrönnum okkar í gærkvöldi, grillað og borðað úti. Góð stemming og vel mætt bara.

En allavega það eru allir að verða klárir og ekki laust við að óútskýrðir strumar spennu og eftirvængingar séu í loftinu. Það skýrist svo hvernig mál þróast. Gleðilegt Sumar og góðar stundir.

Kristinn Sól.

Rotaður.

Já það er bara eins og maður hafi rotast gjörsamlega. Maður er svo upptekinn við að grilla og taka til að tími til skrifta hefur bara ekki verið til. En í gær fórum við nú ég og Meistarinn inn í Orhús og fengum okkur kaffisopa saman, já menningarferð á kaffihús. Sátum með latte-ið, hönd í hönd og horfðumst í augu, laus við krakkana. Löbbuðm síðan hönd í hönd um strikið og kíktum innum gluggana. Sumarfríið er bara að bresta hönd í hönd svo það verður snilldin ein gerir maður ráð fyrir.

Var að fara yfir flugskilmálana sem við þurfum að passa okkur á í komandi sumarfríi. En það er einmitt hægt að kaupa auka súrefni fyrir farþegana í fluginu. Ég hef svosem ekki allveg áttað mig á tilganginum, en gerir ráð fyrir að hinir farþegarnir bara kafni þá á meðann. Ég held samt ég kaupi bara svona litlar gasflöskur fyrir mína fjölskyldu til að hafa í fluginu...sá ódýrara gasflöskur í búðinni í vikunni....hef heyrt að þær geri sama gagn...það hýtur að virka svipðað og þetta aukasúrefni. Gas eða súrefni er þetta ekki allt sama tóbakið.

Jæja og svo nátturlega verður maður að passa að taka alls ekki neitt nesti með í flugið, það er allveg bannað og kemur skýrt framm á flugseðlinum hvorki þurrt né blautt. Það ku vera stranglega bannað. Þannig að maður verður bara að haga sér eins og hver annar fíkill á klóssettinu að háma í sig nestið. Það er víst betra að gleyma ekki bréfaruslinu á klósettinu. Ég hef því ákveðið að líma inná magann á mér fjórar túnfisksamlokur og einn djúsbrúsa. Síðan förum við bara í röð á klóssetið og borðum okkar nesti. Það verður EKKERT nákvæmlega EKKERT keypt í þessari ferð.


Kristinn Sparigrís.

Helgin sem var.

Markaðsdagar í bænum og fagnað húsbygginginum og minnisvarða um sjálfan Úle Lúnd Kirkegord, en Skanderborg er akkurat fæðingarbær hans og uppeldisstaður. Hér bjó Gúmmí Tarzan sjálfur og allir hinir. Já okkar litli HC. Andersen bara í sjálfum miðbænum. Fórum og fengum okkur kandíflos og popp. Gott ef Dagmar fékk sér ekki einn öl....eða ég eða skiptir ekki máli.

Fengum síðan góða gesti um helgina Gylfa og Sigrúnu og börn sem bjuggu hér í nágrenni við okkur þegar við fluttum út. Þau fluttu síðan fljótlega heim eftir að VIÐ komum. Hef reyndar aldrei alminnilega skilið það...vissi ekki hvort það var......já ég veit ekki...jæja skiftir ekki máli.....:-) ..nema hvað þau komu nú í mat til okkar í gær og áttum við frábærar stundir. Þau gáfu okkur einmitt mörg ráðin í upphafi og við spurðum þau um ýmislegt um staðreyndir Danmerkur á sínum tíma. Og nú gátu þau frætt okkur á því hvernig Íslandsflutningar ganga fyrir sig...og hvað bíður. Áttum semsagt áhugaverð samtöl um Norðurlandasamanburð....lengi dags.

Axel Orri og Anna Marín hafa lítið sést, nema til að koma fá meiri sólaráburð. Hafa verið úti við í leik og ærslum. Við höfum getað haldið áfram að borða úti og slegið nokkrum sinnum hjá okkur grasið. Sprettann er óhuganleg. Vill einhver kaupa heybaggarúllur?

Nú síðan líkur skólanum hjá Önnu Marín á föstudag, og sumarfríið gengur í garð. Það verða spennandi tímar vonandi.

Kristinn Tarzan.

Sumarið er tíminn.

Nú það hlaut að koma aðþví að þessu lyki. Prófunum lokið, útkoman óljós.
En allavega sumarið er tíminn, og nú er komið aðþví. Það er ekki ólíklegt að maður springi út
hér næstu daga enda frá mörgu að segja og margt að gerast. Axel Orri er hættur að reykja sem betur fer, en systir hans er frá-bitinn. Já fór í heimsókn í skóginn og hlaut tuttuguogsjö bit, rauðglóandi og klæjandi er hún hér emjandi og veinandi....díseskræst.

Það getur vel verið ef hún ryksugar og tekur til að það verði keypt krem sem linar þrautir hennar....nei ég segi sonna...ég er semsagt að ná mér niður og verð vonandi eðlilegur aftur eftir þessa próftörn.

Kristinn Geðgóði.

Helgin.

Já fyrir helgina var nú tekið eitt munnlegt próf, gekk nú svona slarkandi, sko. Já maður vill alltaf meira en maður fær. Hvort sem það er í skóinn eða eitthvað annað...segi ekki meir.Djö...en það er frá þessi kúrsussinn. Nú síðdegis var afmælisveisla í Leikskólanum allir mættu með nestiskörfunar sínar og rauðvínið og tilheyrandi. Svona líka glimrandi hiti og notalegheit. Axel Orri tók þátt í skemmtiatriði sem fólst í því að leika og syngja hið rómaða dægurlag "Hjólin á Strætó snúast hring hring hring" börnin fengu öll sitt hlutverk í söngnum, einn hélt á hjólabarða, annar hélt á strætsivagnahurð og sá þriðji hafði hatt á höfði sem hefðarfrú ogsfrv....nema hvað Axel Orri sonur minn hafði það hlutverk að leika eldri hefðarmann, og að gömlum sið í Danmörku þá eru reykingar allstaðar leyfðar. Hann hélt því á þessu líka risa stóra vindli og reykti hann allt lagið.....okkur fannst þetta voða flott "ferða-útvarp" sem hann hélt á nei nei, var drengurinn ekki í hlutverki stór-reykingarmanns í leikskóla atriðinu. .....hann sagði líka við mömmu sína í dag en sagðist hafa sagt það í gríni....."mamma ég fer útí garð að reykja" kræsturinnn.......

Nú við sturtuðum bara í okkur rauðvíninu og reyndum að brosa að þessar uppeldisstefnu, en eins og áður hefur komið hér fram, þá eru stærðfræðibók dóttur okkar myndskreytt með Túborg og Carlsberg öl kössum...til að margfalda og deila...ogsonna.....já nóg um það.

Laugardagurinn var síðan afmælisdagur hjá Önnu Marín, hún bauð fjórum bestu vinkonum sínum og fengu þær ferð í tívolí allann daginn. Við fórum líka fjölskyldan og fórum í hvert hryllingstækið á fætur öðru. Gekk svona glimrandi vel og allir fjarska glaðir. Síðan fengu þær að gista útí garði í tjaldi en sökum hita varð lítið um svefn...þær ku hafa verið að kafna.

Í dag var síðan farið á ströndina og aðeins í sjóinn en hann var nú ekki sérlega heitur. Full ströndin af sólþyrstum ungum sem gömlum. Við náðum að brenna okkur og svíða af okkur skinnið, þannig að forhitun er hafin fyrir Spán. Borðað úti í kvöld og notið andartaksins. Ein ritgerð eftir þar til sumarfríið hefst....eða þann fimmtánda. Góðar stundir.

Kristinn Rauði.

07.06.06

Anna Marín afmæli í dag.

Eins og þetta hafi gerst í gær, en árin líða...Ég var lítið barn og lék mér við ströndina...segir í kvæðinu.

Kristinn Eldri.