Hætt í dansi og Axel Orri stóri bróðir.


Það eru stórtíðindi í dansheiminum, já það er ekki á hverjum degi sem stjörnunar segja skilið við stjörnuhiminninn, en það hefur gerst. Danskennarinn hún Marianne tilkynnti í kvöld að ákvörðun hennar og félaga Bjarne væri endaleg. Þeirra dansferli væri lokið. Hætt á toppnum sagði hún. Hún hefur verið danmarksmeistari í nokkur ár, og er semsagt eitt stærsta nafnið hér í bransanum. Þá er það búið. Einbeitir sér að kennslunni í staðinn og Show-bisness sem hefur tekið meiri og meir tíma segir hún.

Axel Orri hefur fengið þá ótrúlegu flugu í höfuðið að senn verði fjölgun í fjölskyldunni og úr því að verða fjögur þá verðum við fimm. Þessu trúir hann og hefur undanfarna daga rætt reglulega við aðra í fjölskyldunni um málefnið. Hann stefnir á að verða stóri bróðir fljótlega. Hvort hann hafi gert einhverjar ráðstafnir í netverslun einhversstaðar í heiminum, veit ég ekki eða hvað sé í gangi er óljóst með öllu. En það má ljóst vera að málið er mér gersamlega ótengt og kem af fjöllum...en verði þessi bróðir eða systir svört, þá má ljóst vera að einhversstaðar er pottur brotinn ég segi nú ekki meir.

Skólinn líður áfram og nú hefur prófessorinn í Alþjóðastjórnmálum ákveðið að bjóða bara öllum heim, já hvorki meira né minna. Allir nemendur velkomnir heim föstudagskvöld í spjall, öl og vín. Já þeir eru nú ekki sonna kumpánlegir íslensku prófessorarnir...

Kristinn Faðir.