Veislan búinn.

Þetta varð líka svona glimrandi fín veisla sem tókst framar vonum. Fyrstu gestir mættu í kokteilinn klukkan fjögur og þeir síðustu fóru heim klukkan tvö. Það er ekki hægt að segja annað en þetta hafi tekist vel, og þótti vinum okkar þetta mjög svo skemmtilegt. Jú jú einhverjar voru ræðurnar og sonna....annars nefndi nú sonur vor það hvort ekki væri hægt að hafa færri gesti næst hann gæti bara ekki vakað svona lengi. En það var spjallað mikið og töluvert rætt um dönsku kunnáttu hjónanna sem þykir hafa tekið miklum framförum. Já og töluvert af gjöfum bárust í hús. Himneskt bara. Annars er allt við það sama, Meistarinn fær reglulega nýrnasteinakast og er að skilja við, ég farinn að skoða heimasíður um stress-less, Anna Marín kvefuð og Axel Orri danskur. Svo þetta er nú bara allt eins og best verður á kosið. Er ekki lífið yndislegt.

Kristinn Becks.